کابل ټیلیګراف – ۱۵ چنګاښ ۱۴۰۴ لمریز کال
د امریکا د منډې وهنې نړیوال اتل فرد کرلي په خپل اینستاګرام پاڼه کې په یوه ویډیو خپرولو سره اعلان وکړ، چې اسلام یې د خپل دین په توګه غوره کړی دی.
۳۰ کلن کرلي په اماراتو کې په یوه جومات کې د شهادت کلیمه ویلي او مسلمان شوی دی.
کرلي د نړیوالو سیالیو په اتلولیو کې درې طلایي مډالونه، یو سپین او یو برونزي مډال لري.
هغه د ۲۰۲۰ ټوکیو المپیک په ۱۰۰ مترو منډې وهنې کې سپین او د ۲۰۲۴ پاریس المپیک په همدې رشته کې د برونزي مډال ترلاسه کړی دی.
