کابل ټیلیګراف – ۱۵ چنګاښ ۱۴۰۴ لمریز کال
د بدخشان ولایت محلي سرچینو رسنیو ته ویلي، د زیباک ولسوالۍ د آغاخان بنسټ د «مذهبي قنسول» مسوول فضل احمد پایيز تېره شپه په خپل کور کې د نامعلومو وسلهوالو له خوا وژل شوی دی.
سرچینو ویلي، نامعلومو وسلهوالو د جمعې په ماښام په تیزاب کلي کې، په خپل کور کې پر فضل احمد پایيز برید وکړ او له کوره یې د ایستلو وروسته هغه په ډزو وواژه.
د طالبانو محلي چارواکو تر اوسه په دې اړه څه نه دي ویلي.
هغه انځورونه، چې رسنیو ته رسېدلي، د هغه وینو ډک جسد ښيي.
دا په وروستیو میاشتو کې د اسماعیلیانو ټولنې پورې اړوند دویمه هدفي وژنه ده.
