کابل ټیلیګراف – ۲۶ چنګاښ ۱۴۰۴ لمریز کال
د را پورونو له مخې؛ طالبانو په سرپل ولایت کې پنځه ښځې او ۱۳ سړي په عام محضر کې په دورو وهلي دي.
د طالبانو سترې محکمې اعلان کړی دی چې په سرپل ولایت د گوسفندي ولسوالۍ کې پنځه ښځې او ۱۳ سړي په عام محضر کې په دورو ووهل شول.
دې محکمې په یوه اعلامیه کې ویلي، دا کسان پرون (چهارشنبه، ۲۵ سرطان) د «قماربازۍ، زنا، قتل عمد او تلیفوني اړیکو» په تورونو وهل شوي دي.
د طالبانو سترې محکمې ویلي، دې کسانو ته له ۲۰ تر ۳۵ وهلو او له شپږو میاشتو تر دوو کلونو پورې د بند سزا ورکړل شوې ده.
د دې کسانو د وهلو حکم د طالبانو د قاضيالقضات له تایید وروسته پلي شوی دی.
