کابل ټیلیګراف – ۲ زمری ۱۴۰۴ لمریز کال
د اسرائيلي محاصرې له امله په غزه کې د خوراکي توکو کمښت له وروستي حد سره مخ شوی، چې له امله يې نور ۱۰ فلسطينيان د لوږې له امله مړه شوي.
د بهرنيو خبري اژانسونو په وينا، د ۲۰۲۳ اکتوبر نه تر اوسه د خوراکي کمښت له امله د مړو شمېر ۱۱۱ تنو ته ورسید.
نړيوالو مرستندویه ادارو او بشري حقونو ډلو په غزه کې د خوراکي توکو پراخ کمښت خبرداری ورکړی او په نړيوالې ټولنې یې غږ کړی، چې په دې اړه سمدستي ګامونه پورته کړي.
د انروا مرستندویه ادارې په وينا، په اردن او مصر کراسنګ کې زرګونه ټنه توکي موجود دي، خو اسرائیلو یې د لیږد مخه نیولې.
بلخوا ملګرو ملتونو دا حالت يو وحشتناک بشري بحران بللی دی.
