کابل ټیلیګراف – ۶ زمری ۱۴۰۴ لمریز کال
د موټر جوړونې امریکايي شرکت تسلا او د سوېليکوریا تخنیکي شرکت سامسونګ الکترونیکس ترمنځ د ۱۶ میلیارده امریکايي ډالرو ارزښت یو ستر سوداګریز تړون لاسلیک شوی دی.
د را پورونو له مخې؛ د دې تړون په ترڅ کې به سامسونګ تسلا ته پرمختللي چپونه تولیدوي، چې د دې شرکت په برښنايي او له موټرچلوونکي پرته موټرونو کې به وکارول شي.
دا چپونه به د 4nm ټکنالوژۍ پر بنسټ جوړ شي چې ډېر چټک، اغېزناک او د مصنوعي ځیرکتیا (AI) لپاره مناسب دي.
