کابل ټیلیګراف – ۶ زمری ۱۴۰۴ لمریز کال
په ننګرهار ولایت کې د طالبانو امنیه قوماندانۍ وايي چې د لسګونه کیلوګرامه نشه يي توکو سره يې ۱۰ کسان نيولي دي.
د ننګرهار ولايت د طالبانو د امنیه قوماندانۍ وياند سيد طيب حماد رسنيو ته وويل چې د نشهيي توکو پر وړاندې د مبارزې مدیریت منسوبینو، د کشفي اطلاعاتو پر بنسټ په بېلابېلو عملیاتو کې ۱۰ کسان د نشه يي توکو د قاچاق او خرڅلاو په تړاو نيولي دي.
دی وايي، له دغو کسانو څخه ۱۴ زره د نشهيي تابلیتکا ګولۍ، ۲۸ کیلو ګرامه تریاک او ۲۲۰ کیلو ګرامه چرس هم ترلاسه شوي دي.
دغه کسان د ننګرهار په بېلابېلو سيمو کې نيول شوي.
