کابل ټیلیګراف – ۱۵ زمری ۱۴۰۴ لمریز کال
د خوست ولایت په بېلا بېلو سیمو کې تیره ورځ د راوتلو سیلابونو له امله د درې ماشومانو په ګډون ۶ تنه مړه شوي.
سیمه ییزې سرچینې وایي، د دغه سیلابونو له امله د خوست په مرکز او ګڼ شمېر سیمو کې د ودانیو نړیدو او نورو برخو د زیانمنېدو له امله پراخه مالي زیانونه هم اوښتي دي.
بلخوا طالبانو ویلي، چې د سیلابونو پر مهال یې ګڼ شمېر کسان ژغورلي او خوندي سیمو ته یې لیږدولي دي.
