کابل ټيلیګراف – ۲۱ زمری ۱۴۰۴ لمریز کال
د جوزجان ولایت په فیض اباد ولسوالۍ کې د ترافیکي پېښې له امله ۲ تنه مړه او درې نور ټپیان شوی دي.
سرچینې وایي، دغه پېښه نن سهار د یوه بار وړنکي او پروبکس موټرو د ټکر له امله رامنځته شوې ده.
په یاد ولسوالۍ کې د طالبانو امنیه قوماندان هم پېښه تائید کړې او زیاته کړې، چې دغه پېښه د جوزجان – بلخ پر لویه لاره د یادې ولسوالۍ اړوند ګرجک سیمه کې رامنځته شوې ده.
د سړکونو خرابوالی، د موټر چلوونکو نه مسلکیتوب، د ترافیکي سهولتونو نشتوالی او ګڼ نور عوامل د دې لامل شوي، چې په افغانستان کې ترافیکي پېښې په بې سارې ډول زیاتې شي.
