کابل ټيلیګراف – ۲۷ زمری ۱۴۰۴ لمریز کال
د طالبانو د رئیس الوزرا اقتصادي مرستیال دفتر وایي، افغانستان اوسمهال د خپلې کلنۍ اړتیا شاوخوا ۶۰ سلنه اوړه له کورنیو تولیداتو څخه پوره کوي.
د دغه دفتر د احصایو پر بنسټ، افغانستان هر کال شاوخوا ۶ میلیونه ټنه اوړو ته اړتیا لري، چې له دې جملې څخه ۳.۵ میلیونه ټنه یې په کور دننه تولید کیږي.
د اقتصادي مرستیال دفتر زیاتوي، اوسمهال په هېواد کې ۲۰۰ فابریکې د اوړو تولید کوي، چې په دې فابریکو کې نږدې ۱۵۰ میلیونه ډالره پانګونه شوې او ۲۵۰۰ کسان په دایمي ډول په کار بوخت دي.
د مسوولینو په وینا، یو میلیون ټنه اوړه د دې ۲۰۰ فابریکو له خوا او پاتې نور د محلي اوړو د تولید له لارې ترلاسه کیږي.
