د افغانستان، پاکستان او چین درې اړخیزه ناسته نن په کابل کې پيلېږي
کابل ټيلیګراف – ۲۹زمری ۱۴۰۴ لمریز کال
د طالبانو د بهرنيو چارو وزارت وايي، د افغانستان، چین او پاکستان درې اړخیزه ناسته نن په کابل کې جوړېږي.
په دغه ناسته کې به د طالبانو د بهرنيو چارو وزیر امیر خان متقي، د چین د بهرنيو چارو وزیر وانګ يي او د پاکستان د لومړي وزیر مرستيال او د بهرنيو چارو وزیر اسحاق ډار ګډون وکړي.
د طالبانو د بهرنيو چارو وزارت ویاند حافظ ضياء احمد پر خپله اېکسپاڼه تاييد کړې چې دا ناسته نن په کال کې جوړېږي چې په کې به د درېواړو هېوادونو ترمنځ د سیاسي، اقتصادي او سیمه ييزو همکاريو په ګډون پر يو شمېر مسایلو بحث وشي.
هغه ویليي: (( تمه ده چې د غونډې ګډونوال د ګډو ګټو، متقابل تفاهم سربېره پر دې، د چین د بهرنیو چارو وزیر به د افغانستان اسلامي امارت له یو شمېر لوړپوړو مشرانو سره د دوه اړخیزو لیدنو پر مهال د دواړو هېوادونو ترمنځ د اړیکو، اقتصادي همکارۍ او د متقابل باور پر بنسټ د اړیکو د لا ژورتیا په اړه هم هر اړخیزې خبرې اترې وکړي.))
دا ناسته ټاکل شوې وه چې پاکستان کې جوړه شي خو پر امیر خان متقي د سفر د بندیز له امله کابل کې جوړېږي.
