کابل ټیلیګراف – ۳۱ زمری ۱۴۰۴ لمریزی کال
د هلمند په ګرمسیر ولسوالۍ کې سیند ته يو ټراکټور د غورځېدو له امله ۱۲ کسان مړه شوي او ۴ نور ټپيان دي.
په هلمند ولايت کې د طالبانو د اطلاعاتو او کولتور رييس عبدالباري راشد وايي، پېښه نن سهار د ګرمسیر ولسوالۍ پنجاوه سیمه کې هغه مهال رامنځته شوه چې ټراکټور له ناوې ولسوالۍ ګرمسیر ته روان و.
دی وايي، ۱۴ کسان له دغې پېښې ژوندي ژغور شوي دي. د پېښې علت لا روښانه شوی نه دی.
