کابل ټیلیګراف ۷وږی ۱۴۰۴ لمریز کال
د ترکیې د ټرانسپورټ وزیر عبدالقادر یورالوغلو د موټر د ګړندي چلولو له امله جریمه شوی او هغه د جریمې ترڅنګ له خپل قوم څخه د دغه کړنې له امله بخښنه غوښتې.
د را پورونو له مخې؛ د ترکیې د ټرانسپورټ وزیر یوه ویډیو خپره کړې وه، چې هغه په کې یو بار وړونکی موټر چلوي.
په ویډیو کې لیدل کیږي، چې د عبدالقادر موټر سرعت په یو وخت کې په في ساعت کې ۲۲۵ کیلو متره ته ورسېده.
دا ویډیو په ټولنیزو رسنیو کې د خپرېدو وروسته ، د ټرانسپورټ وزیر بله ویډیو خپره کړه او ویلي، چې هغه د ټاکلې حد څخه زیات سرعت له امله جرمانه شوې ده.
هغه په خپلې ایکس پوسټ کې لیکلي چې ما د انقرې-نیډې (Ankara-Niğde) لویې لارې د کتنې لپاره موټر چلاوه، خو په غیر ارادي توګه مې د لنډ وخت لپاره د سرعت له حد څخه تجاوز وکړ او په دې اړه بښنه هم غواړم.
د راپور په وینا، د ترکیې د ټرانسپورټ وزیر عبدالقادر یورالوغلو ته د تیز رفتارۍ له امله ۹,۲۶۷ ترکي لیره، یعنې نږدې ۲۲۵ ډالره جرمانه شوې ده.
په ترکیې کې پر لویو لارو د سرعت اعظمي حد ۱۴۰ کلومتره فی ساعت (۸۷ مایل فی ساعت) دی.
