کابل ټیلیګراف ۹وږی ۱۴۰۴ لمریز کال
د افغانستان لپاره د امریکا پخوانی ځانګړی استازی زلمي خلیلزاد، په خپل ایکس پاڼه لیکلي چې په پاکستان کې د داعش د راپورته کېدونکې ځآلې د سیمې او نړۍ امنیت ته ګواښ دي.
هغه له امریکا غوښتي چې پر پاکستان فشار واچوي ترڅو د دې ډلې پر ضد په خپله خاوره کې اقدام وکړي.
خلیلزاد د طالبانو له لورې په افغانستان کې د داعش د غړو پر ضد عملیات بریالي بللي او زیاته کړې یې ده چې دې فشارونو د داعش مشران پاکستان ته تېښتې ته اړ کړي.
د ملګرو ملتونو د راپور له مخې، په ۲۰۲۵ کال کې په افغانستان کې د داعش-خراسان څانګې بریدونه ۳۰ سلنه کم شوي، خو دا ډله لا هم په کابل او شمالي ولایتونو کې فعاله ده.
په پاکستان کې د داعش غړو د بلوچستان او خیبر پښتونخوا په سرحدي سیمو کې خپل فعالیتونه زیات کړي، چې د دواړو هېوادونو ترمنځ د امنیتي همکارۍ اړتیا یې لا زیاته کړې ده.
