کابل ټیلیګراف د وږي ۱۳مه ۱۴۰۴ لمریز کال
د میټا شرکت اړوند د انځور شریکولو اپلیکیشن کې د ریلز ویډیوګانو د لیدو لپاره انسټاګرام د پکچر ان پکچر فیچر ازموینه پیل کړې ده.
د شرکت لخوا پخلی شوی چې دا فیچر د محدودو کاروونکو ترمنځ ازمایل کېږي.
د دې فیچر له لارې به کاروونکي وکولی شي د نورو اپلیکیشنونو د کارولو پر مهال د انسټاګرام ریلز په سکرین باندې په یوه کوچنۍ کړکۍ کې وګوري.
د پکچر ان پکچر فیچر له لارې کاروونکو ته به د ویډیوګانو د لیدو ترڅنګ د ملټي ټاسکینګ یا نورو کارونو د ترسره کولو فرصت برابر شي.
هغه کاروونکي چې دا فیچر ورته شته، د شرکت لخوا د پوپ اپ نوټیفیکیشن له لارې د دې نوي فیچر په اړه خبرول کېږي.
په بېلابېلو اپلیکیشنونو لکه ټک ټاک او یوټیوب باندې د پکچر ان پکچر ملاتړ له ډېرې مودې راهیسې شته.
خو په انسټاګرام کې اوس دا فیچر معرفي کېږي.
د دې فیچر اشاره د انسټاګرام مشر ایډم موسیری څو میاشتې وړاندې ورکړې وه.
