کابل ټیلیګراف د وږي ۱۷مه ۱۴۰۴ لمریز کال
د کابل ـ جلال اباد پر لویه لاره د تنګي ورېښمین په سیمه کې د لنډ کروزر او سراچه موټرو د ټکر له امله دوه تنه مړه او درې نور ټپیان شوي دي.
سرچینې وایي، دغه پېښه نن سهار اته بجې رامنځته شوې او د پېښې مړه او ټپیان د سراچې موټر اړوند دي، چې ټپیان د درملنې په موخه روغتون ته لیږل شوي دي.
د یادو کسانو د هویت په اړه تر اوسه څه ندي ویل شوي.
دا په داسې حال کې ده، چې نن سهار د کابل ـ کندهار پر لویه لاره هم د ترافیکي پېښې له امله ۶ تنه مړه شوي وو.
