کابل ټیلیګراف د وږي ۱۸مه ۱۴۰۴ لمریز کال
د فلسطین د روغتیا وزارت اعلان کړی چې په غزې تړانګه کې نور شپږ فلسطینیان د ناسمې تغذیې او لوږې له امله مړه شوي دي. نړیوالو رسنیو نن (سې شنبې، د سپتمبر ۱۸مه) راپور ورکړی چې دا کسان په تېرو ۲۴ ساعتونو کې د غزې په تړانګه کې د روان خوراکي بحران له امله مړه شوي دي.
د فلسطین د روغتیا وزارت معلومات ښيي چې د شخړو او د اسرائیلو لخوا د غزې د محاصرې له پیل راهیسې، د ناسمې تغذیې له امله د قربانیانو ټوله شمېره ۳۹۹ ته رسېدلې، چې له دې جملې ۱۴۰ ماشومان دي.
په غزه کې د اسرائیلو په بریدونو کې تر دا مهال ۱۶۳ زرو څخه زیات فلسطینیان وژل شوي، چې زیاته برخه یې ماشومان او میرمنې دي.
