کابل ټیلیګراف د وږي ۲۷مه ۱۴۰۴ لمریز کال
د فرانسې له ملي طبیعي تاریخي میوزیم څخه د ۶ سوه زره یورو په ارزښت سرو زرو غلا شوي دي.
د یاد موزیم چارواکو ویلي، غلا شوي سره زر د ملي میراث حیثیت درلود، چې اصلي ارزښت یې د اندازه کولو وړ نه دی.
د راپور له مخې، غلو د انګل ګراینډر او بلو ټارچ په مرسته ودانۍ ته ننوتلي او قیمتي نمونې یې غلا کړې دي.
چارواکي وایي، د جولای په میاشت کې د شوي سايبري برید له امله د میوزیم امنیتي سیسټم غیر فعاله شوی و، او اټکل کیږي، چې غله د دې کمزورۍ څخه خبر وو.
پولیسو ویلي، چې د غلو د موندلو هڅې یې پیل کړي دي.
