کابل ټیلیګراف د تلې ۵مه ۱۴۰۴ لمریز کال
د احصایې او معلوماتو ملي ادارې نن شنبه په یوه خبرپاڼه کې ویلي، چې د روان کال په لومړیو شپږو میاشتو کې ۷۰ زره ۱۹۲ هېوادوالو ته د زېږون کارتونه وېشلي، چې د لویانو ۴۶ زره ۴۹۳ او ۲۳ زره ۶۹۹ د ماشومانو لپاره کارتونه شامل دي.
خبرپاڼه کاږي چې دغه راز په خوست کې د ۳۷۶۹، بلخ کې د ۳۳۰۷، په ننګرهار د ۳۱۸۸ او هرات کې د ۲۴۸۱ زیږون کارتونو په توزیع سره زیات شمېر جوړوي.
په خبرپاڼه کې، ثبت شوي ارقام ښیي چې د زیږون ۳۰،۶۸۰ کارتونه د کابل او ولایتي خدماتو مرکزونو له لارې ویشل شوي، او پاتې ۳۹ زره۵۱۲ کارتونه د مرکز د حیاتي ثبتونو څانګې او د نورو ولایتونو د احصایې او معلوماتو څانګو د حیاتي احصایې څانګو له لارې ویشل شوي دي.
د احصایې او معلوماتو ملي ادارې د حیاتي ریکارډونو او بهرنیو اتباعو چارو ریاست د حیاتي پیښو (زیږون، مړینې، ودونو او طلاقونو) ثبتولو، د رسمي لارو او هوایی ډګرونو له لارې د بهرنیو اتباعو د ننوتلو او وتلو، او د تابعیت ترلاسه کولو او پریښودو پورې اړوند خدماتو چمتو کولو مسؤلیت لري.
