کابل ټیلیګراف د تلې ۵مه ۱۴۰۴ لمریز کال
د غور ولایت د تولک ولسوالۍ اوسېدونکي محمد طاهر، په پنځو کلونو کې توانېدلی چې د قرآن کریم ۳۰ سپارې په لاس ولیکي.
محمد طاهر ویلي چې د دین سره د خپلې ځانګړې مینې له امله یې دا مقدس اثر په لاس لیکلی دی.
هغه د غور د اطلاعاتو او کلتور ریاست څخه غوښتي چې دا اثر نندارې ته وړاندې کړي ترڅو نور د دیني علومو مینه وال ترې الهام واخلي.
په غور ولایت کې د طالبانو د اطلاعاتو او کلتور ریاست ژمنه کړې چې د دې اثر د نندارې لپاره به همکاري وکړي.
