د اسلامي همکارانو سازمان وايي، دوی ترکيي چارواکي په افغانستان کې د وګړو د حقونو ملاتړ ته هڅولي چې هغوی هم په دغه برخه کې د مرستې ډاډ ورکړی دی.
د اسلامي همکاريو سازمان په يو بیان کې ويلي، د افغانستان لپاره د اسلامي هېوادونو د همکاریو سازمان استازي طارق علي بخیت د ترکیې د بهرنیو چارو وزارت له مرستیال او د سویلي آسیا له عمومي مدیر سره په کتنه کې د افغانستان د وضعیت په تړاو خبرې کړې دي.
په دې کتنه کې طارق علي بخیت ویلي، چې دغه سازمان د اسلامي همکاریو سازمان د بهرنیو چارو وزیرانو شورا د پرېکړو پر بنسټ د افغانستان په تړاو هڅې کوي.
بیان کې راغلی: «دواړو خواوو د افغانستان په تړاو د ملګرو ملتونو د دوحې بهیر او له افغانانو د ملاتړ لپاره د اسلامي همکاریو سازمان او د ترکیې د جمهوریت د هڅو د ملاتړ او له واکمنو چارواکو سره د بېلابېلو مسایلو لکه د نجونو د زده کړو، د ښځو د حقونو، له ترهرۍ سره د مبارزې او د بشر دوستانو اړخونو په تړاو د خبرو پر تعقیبولو بحث وکړ.»
