پاکستاني رسنۍ وایي، د جنوبي وزيرستان په واڼه بازار سيمه کې د پوليسو په يو موټر باندې د ريموټ کنټرول ماین چاودنه شوې چې د پوليسو په ګډون په کې ۱۱ کسان ټپيان شوي دي.
پوليس چارواکو ځايي رسنيو ته ويلي، چاودنه نن ترغرمې وړاندې هغه مهال شوې چې د پوليسو يو موټر له سيمې د تېرېدو په حال کې و.
بلخوا د جنوبي وزيرستان د يو ځايي روغتون مشر ډاکټر حماد محمود ويلي چې د پېښې له ځايه ورته ۱۱ ټپيان وروړل شوي چې عام وګړي او پوليس په کې شامل دي.
