د فرانسې ولسمشر امانویل مکرون پر اسرایلو د ایران توغندیز برید غندلی او د اسرایلو په خونديتوب یې ټينګار کړی دی.
نومړې همدا زار په منځني ختیځ کې د خپلو ټول پوځي سرچینو د چمتوالي خبره هم کړې ده.
د ښاغلي مکرون د وینا له مخې، د لبنان حزبالله ډله باید د اسراییل او د هغه د وګړو پر وړاندې تروریستي اقدامات بند کړي.
همدا ډول د فرانسې ولسمشر د ملګروملتونو د امنیت شورا د پرېکړه لیکونو له مخې د لبنان د ارضي تمامیت او ملي حاکمیت د اعادې غوښتنه کړې ده.
بل پلو د متحده ایالاتو ولسمشر جوبایډن هم په یو بیان کې پر اسرایلو د ایران د توغندیز برید د دفاعي عملیاتو د ملاتړ یادونه کړې او د ایران پرونی برید یې بې اغیزې یاد کړی.
د ایران د بهرنیو چارو وزیر عراقچي بېګا ناوخته پر ایکس په یوه بیان کې پر اسراییلو حمله د ایران مشروع حق وباله او ویې ویل، ایران یوازې د اسراییلو پوځي او امنیتي اډې په نښه کړې دي.
