طالبانو په بدخشان کې د ښوونځي له زده کوونکو د داعش پېژندنې او عقیدې په اړه ازموینه اخیستې ده.
د طالبانو تر واک لاندې ملي ټلویزیون خبر ورکړی، چې طالبانو د بدخشان ولایت په بهارک ولسوالۍ کې د ښوونځیو له زده کوونکو څخه د عقیدې او داعش پېژندنې په اړه ازموینه واخیسته.
په دغه ازموینه کې له ۲۰۰ څخه ډېرو زده کوونکو ګډون کړی و.
د ملي ټلویزون د راپور په اساس په بهارک کې د ښوونځيو او مدرسو له زده کوونکو د خوارج پېژندنې په اړه هم ازموینه اخیستل شوې.
د طالبانو حکومت داعش وسله والې ډلې ته د خوارجو لفظ کاروي.
