د پاکستان په کراچۍ ښار کې د جناح نړیوال هوايي ډګر ته څېرمه د چاودنې له امله دوه چینایان وژل شوي او لس پاکستیان ټپیان شوي دي
په پاکستان کې د چین سفارت ویلي، په دې چاودنه کې “ډېری پاکستاني کارکوونکي وژل شوي او ټپيان شوي” دي. د مړو او ټپیانو کره شمېر لا نه دی معلوم.
سفارت زیاته کړي په چاودنه کې د چینايي انجینرانو یو کاروان په نښه شوی چې د پاکستان په سند ایالت کې يې د بریښنا پر يوه پروژه کار کاوه.
دغه چاودنه ځايي مهال د شپې يوولس بجې پر هغه سړک شوې چې د فيصل لويه لار له هوايي ډګر سره نښلوي. ويل کېږي چاودنه دومره زوروره وه چې غږ يې د ښار په بېلابېلو سیمو کې اورېدل شوی دی.
