( کابل ټيليګراف (کب ۲ – ۱۴۰۳ لمريزکال )
د طالبانو د دفاع وزارت لوی درستیز وایي، افغانستان به د دوی له امارات وروسته شتون ونلري.
فصیح الدین فطرت د اترېش غونډې ته په اشارې سره وویل: د دوی د اسلامي امارات پرته راتلوونکی تصور کول یو خیال او نا ممکن دی.
هغه وویل: «هغه کسان چې له افغانستان څخه تښتېدلي او په خپلو غونډو کې د طالبانو پرته د راتلونکې په اړه بحث کوي، په توهم اخته دي.»
دغه لوړ پوړي طالب ادعا وکړه، چې افغانستان کې بشپړ امنیت دی او یاد کسان هم کولی شي، د نورو افغانانو په څېر هېواد ته را ستانه شي.
دا لومړی ځل دی، چې طالبان د دوی له شتون څخه پرته د افغانستان د نشتوالي خبر ورکوي.
