برتانوي سندرغاړی او د مشهور بانډ ‘ون ډایریکشن’ پخوانی غړی ۳۱ کلن لیام پین د ارجنټاین په پلازمېنه بوینس آیرس کې د یوه هوټل له درېیم پوړ څخه تر غورځيدو وروسته مړ شوی دی.
پولیسو رسنیو ته ویلي چې دوی د لیام جسد هغه وخت اومند چې د بېړنیو خدماتو د مرستې ټلیفون لیکې ته ټلېفون وکړو.
د هوټل کارمندانو پولیسو ته ویلي چې زورور اواز یې وارویده او ورسته یې ولیدل چې د لیام جسد پروت دی.
د بوینس آیرس د پولیسو په وینا، داسې ګومان کیږي چې د لیام مړینه ممکن د نشي توکو د استعمال له امله رامنځته شوي وي خو پولیسو پلټنې پیل کړي دي.
د بیړنیو طبي خدماتو رییس، البرټو کریسانتي، ځایي رسنیو ته وویل چې لیام پین “جدي ټپونه” لري او د مړیني معاینه به یې ترسره شي.
البرټو کریسانتي له بالکوني څخه د لیام پین د غورځیدو په اړه پوښتنو ته له ځواب ویلو ډډه کړې.
لیام پین هغه وخت نړیوال شهرت ته ورسید کله چې هغه په ۲۰۱۰ کې د برتانیا تلویزیوني خپرونه ‘د ایکس فکټ’ سره یوځای شو.
هغه بیا د ځوانانو د خوښې ډلې ‘یو سمت’ برخه شوه چې پکې هیري سټایلز، لویس ټاملینسن، نیل هورن او زین ملک هم شامل وو.
هیره دې نه وي چې لیام پین د روانې میاشتې په شروع کړې د یو بل پخواني سندرغاړي نیل هورن سره په یو کنسرت کې ګډون کړی وو او سندرې یې ویلې وې.
لیام پین د خپل مرګ څخه څو ساعته دمخه په سنیپ چیټ کې د خپل ملګري سره د سبا ناري کولو ویډیو خپره کړه.
هغه پرې لیکلي وو چې دا په ارجنټاین کې یوه ښکلې ورځ ده.
