لوبې
بنګله دیش په دویمه یو ورځینۍ سیالۍ کې افغانستان ته ماتې ورکړه
د افغانستان په کوربه توب په متحده عرب اماراتو کې دویمه یو ورځينۍ سیالۍ کې بنګله دیش لوبډله وتوانیده چې افغان لوبډلې ته ماتې ورکړي.
د افغانستان کرکټ ملي لوبډلې د بنګله دېش پر وړاندې د درې نړیوالو یو ورځنیو سیالیو د روانې لوبلړۍ په دویمه لوبه کې د سیالې لوبډلې د ۲۵۳ منډو هدف په ځواب کې د خپلو ټولو لوبغاړو په زیان سره ۱۸۴ منډې جوړې کړې او د ۶۸ منډو په توپیر له ماتې سره مخ شوه.
د سیالې لوبډلې په دې بریا سره روانه لوبلړۍ ۱-۱ مساوي شوه او د راتلونکې دوشنبې په ورځ به یې برخلیک ټاکونکې لوبه ترسره شي چې ګټونکې لوبډله به د لوبلړۍ جام هم په خپل نوم کړي.
