د پاکستان د ښځینه کرکټ ۱۹ کلنه ملي لوبډله له نړیوال شل اوریز جام بهر شوه

کابل ټيليګراف (د سلواغې ۴مه– ۱۴۰۳ لمريز)

د پاکستان د ښځینه کرکټ د نولس کلنو کم عمره ملي لوبډلې له ایرلینډ سیالې څخه په ماتې خوړولو په دغه جام کې د سوپرسکس مرحلې ته، له مخکې تګ پاتې او له نړیوال جام بهر شوه.

دغه لوبې چې په مالیزیا کې ترسره کیږي، په ګروپ بې کې په اخرۍ لوبه کې ایرلینډ او پاکستان نولس کلنو کم عمره ملي لوبډلو سیالي وکړه.

دغه شل اوریزه لوبه چې د باران له امله ۹ اورونو ته را ښکته شوې وه، ایرلینډ د ۵ لوبغاړو په سوزیدو پاکستان لوبدلې ته ۷۰ منډې هدف ورکړ، چې پاکستان د ۷ لوبغاړو په سوزیدو یواځې ۵۹ منډې وکړې او په لس منډو یې ماتې وخوړه.

په دغه ماتې سره پاکستان نولس کلنو څخه کم عمره ملي لوبډله د کرکټ نړیوال جام سوپر ایټ مرحلې ته د تګ څخه پاتې او له نړیوال جام بهر شوه.