درېاړخیزې لوبلړۍ؛ نن پاکستان او متحده عربي امارات سره لوبېږي
کابل ټیلیګراف ۸وږی ۱۴۰۴ لمریز کال
د درېاړخیزو لوبلړۍ په لړ کې نن ماښام اووهنیمې بجې د پاکستان ملي لوبډله د متحده عربي اماراتو پر وړاندې د لوبې ډګر ته ښکته کېږي.
دا لوبه د کابل پر وخت د ماښام اووهنیمې بجې په متحده عربي اماراتو کې پیلېږي.
د درېاړخیزو نړیوالو شلاوره په لړ کې تېره شپه پاکستان د افغانستان پر وړاندې په ۳۹ منډو بری ترلاسه کړ.
پاکستان د لوبې په لومړۍ پاڼۍ کې د خپلو ۷ لوبغاړو په زیان سره ۱۸۲ مندې جوړې کړې او د افغان لوبډلې ته یې د ۱۸۳ منډو هدف وټاکه.
د افغان لوبډلې لپاره فرید احمد ملک ۲، محمد نبي، مجیب الرحمن، عظمتالله عمرزي او لوبډلمشر راشد خان یوه-یوه ویکټ ترلاسه کړه.
داسې تمه کېده چې افغانستان به د لوبې ګټونکې لوبډله وي، او په لومړیو کې افغان لوبډلې ښه پیل وکړ. خو د لوبې په منځنیو اورونو کې د لوبغاړو ژر سوځېدل، د پاکستان د بریا لامل شوه.
د افغانستان لپاره لوبډلمشر راشد خان ۳۹ چټکې منډې ترسره کړې.
د افغانستان او پاکستان بله لوبه به د سهشنبې په ورځ د سپتمبر دویمه ترسره شي.
دغه لوبې د افغانستان، پاکستان او متحده عربي اماراتو تر منځ ترسره کېږي او کوربهتوب یې متحده عربي امارات کوي، په شارجه ښار کې روانه ده.
