په افغانستان کې د زونونو په کچه د فوټبال سیالیو مخکښې لوبډلې اعلان شوې

د افغانستان فوټبال فدراسیون لخوا د فوټبال سیالۍ پای ته ورسیدې چې ننګرهار، هرات، کندز، هلمند او بلخ ددغه سیالیو اتلې لوبډلې اعلان شوې.

د یاد فدراسیون د مالوماتو له مخې، دغه سیالۍ د افغانستان اتلانو لیګ ته د لارموندنې پړاو و، چې تر دې وروسته به یې غوره لوبډلې په بل پړاو کې ولوبیږي.

په دغه مالوماتو کې راغلي چې د یادو سیالیو په ترڅ کې د جنوب ختیځو ولایتونو د لوبډلو اتلولي د ننګرهار، د غربي ولایتونو اتلولي د هرات، د شمال ختیځو ولایتونو اتلولي د کندز، د جنوب لوېدیځ ولایتونو اتلولي د هلمند او د شمالي ولایتونو اتلولي د بلخ ولایتونو اړوندو کلبونو وګټلې.

تر اوسه مالومه نده چې د اتلانو سیالۍ به کله پیل شي.