لوبې
د افغان ابدالیان او هانګ کانګ ترمنځ پایلوبه د دوامداره ورښت له امله لغوه شوه
متحده عرب اماراتو کې د افغان ابدالیان او هانګ کانګ ترمنځ د درې اړخېزې لوبلړۍ پایلوبه د دوامداره ورښت له امله لغوه شوه چې په دې سره افغان ابدالیان په دوه سیالیو ګټلو او ډېرو نمرو ترلاسه کولو سره د دې سیالیو اتله لوبډله اعلان شوه.
د یادونې وړ ده چې یاده درې اړخیزه لوبلړۍ (د افغان ابدالیان، عمان او هانګ کانګ) ترمنځ د اکتوبر په ۱۲مه نېټه پېل شوې وه چې نن پای ته ورسېده.
باید وویل شي راتلونکې جمعه افغان ابدالیان به د اسیا جام په لړ کې د لومړۍ لوبې لپاره د سرېلانکا پر وړاندې د سیالۍ ډګر ته ښکته شي.
