د ښځو کرکټ نړیوال جام: نیوزیلنډ ویسټ اینډيز ته په ماتې ورکولو پایلوبې ته لار پیدا کړه

د ښځو کرکټ نړیوال جام په نیمه پایلوبه کې نیوزیلنډ ویسټ اینډيز کرکت لوبډلې ته په ۸ منډو ماتې ورکړه او پایلوبې ته یې لار پیدا کړه.

دغه سیالي چې د عربي متحده‌اماراتو د شارجې په لوبغالي کې ترسره شوه، نیوزیلنډ ویسټ اینډیز ته ۱۲۹ منډو هدف ورکړو.

 د ویسټ اینډیز لوبډله ونه توانیده چې یاد هدف پوره کړي او د ۱۲۰ منډو په کولو د نړیوال جام نه بهر شوه.

د روان شل اوریز نړیوال جام په لومړۍ نیمه پایلوبه کې سویلي افریقا اسټرالیا ته ماتې ورکړې وه.

په پام کې ده چې د دې شل اوریز نړیوال جام پایلوبه به سبا د سویلي افریقا او نیوزیلنډ ترمنځ ترسره شي.