افغان ولیبال ملي لوبډله د مرکزي اسیا سیالیو کې له ترکمنستان لوبډلې سره سیالي کوي

د ولیبال ملي لوبډله په ازبکستان کې پېل شوې د مرکزي اسیا د اتلولۍ په سیالیو کې د څلورو غوره لوبډلو پړاو ته رسیدلې ده.

د افغانستان د والیبال ملي لوبډلې مسوولینو رسنیو ته ویلي چې، افغان لوبډله به دغه پړاو کې د درېیم مقام د ترلاسه کولو په موخه نن د ترکمنستان پر وړاندې سیالي ترسره کړي.

تر دې واړندې د افغانستان ولیبال ملي لوبډلې مالدیف ته ماتې ورکړې وه.

د مرکزي اسیا د اتلولۍ سیالۍ تېره اونۍ د ازبیکستان په کوربتوب د شپږو لوبډلو په ګډون پیل شوې دي.