نن افغان ابدالیان د هندوستان الف لوبډلې سره نیمه پایلوبه ترسره کوي

نن د اسیا ایمیرجینګ جام په سیالیو کې افغان ابدالیان کرکټ لوبډله د هندوستان الف لوبډلې سره نیمه پایلوه کې مخامخ کیږي.

افغانستان تر دې وړاندې درې سیالۍ ترسره کړي چې دوه یې کټلي او یوه یې په هانګ کانګ بایللې ده.

خو هند بیا په خپل ګروپ کې لومړی ځای لري چې دریواړه سیالۍ یې ګټلي او نیمه پایلوبې ته راغلې.

د هند په الف لوبډله کې اکثر لوبغاړي د هندوستان تجارتي سیالیو آی پي ایل نه انتخاب شوي او نسبت قوي لوبډله ده.

بل پلو افغان لوبغاړو هم ددغه سیالۍ له پاره د پوره چمتوالي خبر ورکړی دی.

هیره دې نه وي چې تر اوسه افغانستان په کرکټ کې هندوستان ته ماتې نده ورکړې.