راشد خان: د افغان ابدالیانو پایلوبې ته تګ د لوبغاړو ترڅنګ د روزونکو هلې ځلې دي

د افغانستان د شلو اوریزو کرکټ لوبډلمشر راشد خان په ایمیرجینګ جام سیالیو کې د افغان ابدالیانو پایلوبې په تلو د روزنکو ستاینه کړې.

راشد خان په خپله فیسبوک پاڼه لیکلي په دغه سیالیو کې د افغان ابدالیانو پایلوبې ته تګ د روزنکو خواري ګڼلې او مننه یې ترې کړې.

نوموړي لیکلي: «د دوی هلې ځلې  او  زحمتونه دي چې لوبغاړي ښه لوبېږي او ښه ځلېږي. که هغه هیډ کوچ نوروز منګل دی، که بیټینګ کوچ ریس احمدزی دی، که بالینګ کوچ عبید کونړی دی، که فیلډینګ کوچ جاوید نوري دی، که هغه منان مسعود، جهیل، ساجد او که نور دي».

پرون په ایمیرجنګ جام سیالیو کې افغان ابدالیانو هند په ماتې ورکولو پایلوبې ته لار هواره کړه چې سبا یک شنبه به له سریلنکا سره ددغه سیالیو بایلو ترسره کړي.