افغان الف لوبډله د ځوانانو اسیا جام اتله شوه

د افغانستان کرکټ الف لوبډلې د سریلانکا الف لوبډلې ته په ماتې ورکولو سره په لومړي ځل د ځوانانو اسیا جام سیالیو اتلولي وګټله.
په نننۍ پایلوبه کې چې په عمان کې ترسره شوه، پچه یې د سریلانکا الف لوبډلې وګتله او په خپله یې لومړۍ د افغان لوبډلې پر وړاندې د توپوهنې پرېکړه وکړه.
په دغه سیالۍ کې د سریلانکا الف لوبډلې لومړۍ توپوهنه ترسره کړه او په ټاکل شوو شل اورونو کې یې د ۷ لوبغاړو په سوځېدو سره ۱۳۳ منډې وکړې.
په  مقابل کې افغان ابدالیان لوبډلې ورکړل شوې هدف د دریو لوبغاړو په سوځېدو سره په ۱۸ اور کې پوره کړ  او د سریلانکا الف لوبډلې ته یې د ۷ وېکټو په توپير ماتې ورکړه او په دې سره یې د لومړي ځل لپاره د ځوانانو اسیا جام سیالیو اتلولي وګټله.