له زمبابوې سره د سیالیو له پاره لوبډلې اعلان شوې

کرکټ بورډ د زمبابوې پر وړاندې یو ورځنیو او شل اوریزو سیالیو ته د افغان کرکټ لوبډلې نوملړو اعلان کړو.

د افغانستان کرکټ بورډ د غوراوي کمېټې غړو نن د زمبابوې پر وړاندې د درې شل اوریزو او درې یو ورځنیو نړیوالو سیالیو د راتلونکو لوبلړیو لپاره د افغان لوبډلې نوملړونه په ډاګه کړل.

کرکټ بورډ په خپله فیسبوک پاڼه لیکلي: د مهالوېش له مخې به دغه سیالۍ د روانې دسمبر میاشتې په ۱۱مه نېټه د زمبابوې په پلازمېنه هرارې کې پیل شي او د ۲۰۲۵م کال د جنورۍ میاشتې په شپږمه نېټه به دویمه ټېسټ لوبه پای ته ورسېږي چې د ټېسټ سیالیو لپاره به د افغان لوبډلې نوملړ وروسته په ډاګه شي.