لوبې
په کابل کې د اسیا ایمرجنګ سیالیو له پاره دویم تمریناتي کمپ پيل شوې
د پلازمینې کابل په ملي کرکټ لوبغالي کې د افغان ابدالیان (افغانستان الف) کرکټ لوبډلې دویم پړاو تمریناتي کمپ دوام لري.
کرکټ بورډ په خپله فیسبوک پاڼه لیکلي: دغه تمریناتي کمپ به د راتلونکې اکټوبر میاشتې تر لومړۍ نېټې پورې روان وي چې په ترڅ کې به یې افغان لوبډله د عمان، هانګ کانګ او سریلانکا پر وړاندې د راتلونکې څلور اړخیزې لوبلړۍ او ایمرجنګ اسیا جام سیالیو لپاره خپل بشپړ چمتووالی ونیسي.
