افغان ابدالیانو په عمان کې د سبانۍ سیالۍ لپاره تمرینات ترسره کړل

افغان ابدالیان لوبډلې عمان هېواد ته له رسېدو وروسته د راتلونکو سیالیو لپاره د چمتووالي په موخه خپل تمرینات پیل کړل.

کرکټ بورډ په خپله فیسبوک پاڼه لیکلي: د مهالوېش له مخې به افغان لوبډله سبا ماسپښین د کوربه عمان لوبډلې پر وړاندې لومړۍ تمریناتي شل اوریزه د سیالي وکړي.

تر دې ورسته په پام کې ده چې افغان ابدالیان به په دې سیالیو کې د هانګ کانګ او عمان په وړاندې رسمي سیالۍ ترسره کړي.

دا درې اړخېزه لوبې به په ۲۰۲۴ کال کې په عمان کې « نيو ایمرجېنګ اسیا جام اتلولۍ» تر عنوان لاندې ترسره شي.

د يادونې وړ ده، چې د هېواد د کرکټ الف لوبډلې تر دې وړاندې هم دې سياليو ته د چمتووالي په موخه په کابل کې تمريني لوبې ترسره کړې دي.