د افغانستان کرکټ الف لوبډلې عمان لوبډلې ته ماتې ورکړه

افغان ابدالیان لوبډلې د دوه تمریناتي شل اوریزو د لوبلړۍ په دویمه لوبه کې کوربه عمان لوبډلې ته ماتې ورکړه. افغان لوبډلې په دغه لوبه کې د محمد غضنفر، کریم جنت، او فریدون داودزي د غوره توپ اچونې په مرسته له خپلو ۱۹۰ منډو دفاع وکړه او د ۶ منډو په توپیر یې بریا خپله کړه.

د عمان پر وړاندې د دې دوه تمریناتي شل اوریزو سیالیو وروسته به افغان لوبډله د کوربه عمان او هانګ کانګ لوبډلو پر وړاندې په یوه درې اړخیزه لوبلړۍ کې ګډون وکړي. د یادو سیالیو د مهالوېش له مخې به افغان ابدالیان به په خپله لومړۍ لوبه کې د راتلونکې یکشنبې په ورځ د هانګ کانګ پر وړاندې د سیالۍ ډګر ته ښکته شي.