فرسټ کلاس: ماهیپر میوند او پامیر هندوکش ته په ماتې ورکولو پایلوبې ته لار پیدا کړه

د اتصالات احمدشاه ابدالي فرسټ کلاس اووم پړاو دوولسمه سیالۍ کې د ماهیپر ستوري لوبډلې د ۷ ویکټو په توپیر سره د میوند اتلان لوبډلې ته ماتې ورکړه او په روانو لوبو کې یې دریمه بریا په خپل نوم کړه.

ماهیپر لوبډلې په یادو لوبو کې درې لوبې وګټلې چې د ۶۵ کمو امتیازونو په درلودلو سره له پایلوبې پاتې شوه.

د اتصالات احمدشاه ابدالي فرسټ کلاس څلور ورځنیو لوبو اووم پړاو په یوولسمه لوبه کې پامیر لیجنډز د یوې پاڼۍ او ۹۴ منډو په لوی توپیر سره د هندوکش سټرایکرز لوبډلې ته ماتې ورکړه او د یادو لوبو پایلوبې ته یې لار وموندله.

باید وویل شي چې د اتصالات احمدشاه ابدالي فرسټ کلاس اووم پړاو پایلوبه به د میوند اتلان او پامیر لیجنډز لوبډلو ترمنځ راتلونکې سه شنبه پیل شي.