پخواني ولسمشر حامد کرزي له بنګله دیش د سیریز په ګټلو افغانانو ته مبارکي ویلې

د افغانستان پخواني ولسمشر حامد کرزي په شارجه کې له بنګله دیش د سیالیو د لړۍ په په ګټلو هیوادوالو ته مبارکي ورکړې.

ښاغلي کرزي په خپه فیسبوک پاڼه لیکلي: «د کرکټ د لوبې د درېیو پنځوس اوریزو لوبو په لړۍ کې د بنګله‌دیش په وړاندې د هیواد د ملي ټیم بریا او د جام د ګټلو مبارکي وایم او ګرانو لوبغاړو ته د لاډیرو بریاو هیله کوم».

پرون د افغانستان کرکټ ملي لوبډلې د درې نړیوالو یو ورځنیو سیالیو د لوبلړۍ په وروستۍ او برخلیک ټاکونکې لوبه کې سیالې بنګله دېش لوبډلې ته د ۵ ویکټو په توپیر ماتې ورکړه او د دواړو لوبډلو ترمنځ یې دغه لوبلړۍ ۲-۱ په خپله ګټه پای ته ورسوله.