لوبې
په زابل ولایت کې د میرویس خان نیکه په نامه شل اوریزي سیالۍ پیل شوې
کرکټ بورډ په خپله فیسبوک پاڼه په زابل کې میرویس خان نیکه په نامه د شل اوریزو سیالیو د پیل په اړه رېپورټ خپور کړی.
کرکټ بورډ لیکلية دغه سیالۍ چې د زابل کرکټ امریت په نوښت او رهبري د روانې نومبر میاشتې په ۲۲ نېټه پیل شوې، شا وخوا ۱۵ ورځي به دوام وکړي.
دغو سیالیو کې ۱۴ غوره لوبډلې برخه لري چې په دریو ګروپونو وېشل شوې دي.
د زابل کرکټ امریت امر محبوب محبت د یادو سیالیو د پیل په مراسمو کې وویل چې دا سیالۍ یې د کلني پلان مطابق جوړې کړې چې هدف یې زابل کې د کرکټ لا وده او پرمختګ دی.
