هندي سینما: دا ورځې ایشوریا رای او ابیشیک بچن شریک ژوند د خبرونو سرټکی دی
د هندي سینما بالیووډ د وتلي اداکار امیتاب بچن د اینګور ایشوریا رای او زوی تر منځ د جلا کیدو اوازې له څو ورځو راهیسې روانې وې، خو اوس د امیتاب بچن غبرګون هم مخې ته راغلی دی.
د این ډي ټي وي د راپور له مخې، د امیتاب بچن وروستي وینا د خلکو پام ځانته اړولی دی، هغه په ټولنیزو رسنیو کې د زوی او اینګور د جلا کیدو خبرونه “قیاسونه” وبلل او لیکلي یې دي چې “اوازې یوازې اوازې دي، دوی پرته له کوم تایید څخه دروغ خپروي.”
هندي سینما دغه پېژندل شوی لوبغاړی بیا لیکي چې “دوی ممکن د خپلې خوښې غلط یا د پوښتنې وړ معلوماتو ورکولو لپاره قانوني محافظت ولري ، مګر د شک تخم د دې ډول پوښتنو لخوا کرل کیږي، خپل ځان څرګند کړئ یا هغه څه ولیکئ چې تاسو یې غواړئ، مګر کله چې تاسو په هغه کې د پوښتنې نښه ولیکئ، تاسو یوازې دا نه وایئ چې دا په شک کې دی، بلکې تاسو غواړئ چې لوستونکی یې ولولي او نور یې خپور کړي.
د امیتاب بچن په وینا، “ستاسو محتويات یوازې د یوې شیبې لپاره نه، بلکې د څو شیبو لپاره دي. کله چې لوستونکی ورته غبرګون وښيي، هغه محتوا ته زور ورکوي، دا کیدای شي د تاید یا انکار په بڼه وي، خو دا په حقیقت کې دروغ وي چې زیان یې خورا زیات وي.
د چهارشنبه په ورځ ، ایشوریا رای بچن د خپلې ۱۳ کلنې لور آرادیا د ۱۳ کلنۍ کلیزې عکسونه شریک کړل ، او په دوی کې د ابیشک بچن نشتوالي د دوی د جلا کیدو اوازو ته زور ورکړه.
تر دې وړاندې هم ابهیشک بچن د ایشوریا رای په کورنۍ غونډه کې نه و لیدل شوی، چې له هغې وروسته داسې راپورونه خپاره شول ګینې ایشوریا رای بچن له خپلې مور سره ژوند کوي.
دا افواهات هغه شروع شول چې کله د سینما دغه جوړې په یو واده کې یوازې یوازې ګډون وکړو او ورسته ابیشیک بچن په خپل انسټاګرام د طلاق اړوند یو پوسټ وکړو.
ابېشیک بچن او ایشوریا رای د ۲۰۰۷ کال په اپریل کې واده کړی وو او د ۲۰۱۱ کال په نومبر کې یې یوه لور پیدا شوه چې اوس ۱۳ کلنه ده.
