د اسټرالیا او هند لوبې مساوي کېدل او د اشوین استعفا

د هندوستان او کوربه اسټرالیا ترمنځ درېیمه ټیسټ لوبه په مساوي ډول پای ته ورسیده، دوی دواړو لوبډلو د سریز یوه، یوه لوبه کټلې او ټاکل شوې دوه نورې ټیسټ سیالۍ هم د روان سریز په ترڅ کې ترسره کړي.

د اسټرالیا او هند ترمنځ د درېیمې ټیسټ لوبې د مساوي کېدو سره هم مهاله، په ټيسټ کرکټ کې د هند تر ټولو زياتو ويکټو اخيستونکي لوبغاړي روی چندران اشوین نن په ناڅاپي ډول له نړيوال کرکټ څخه تقاعد اعلان کړ.

هغه په ټيسټ کرکټ کې ۵۳۷ ويکټې لري، ۳۷ ځله يې پنځه، پنځه ويکټې اخيستي، د ۶ سليزو په ګډون يې ۳۵۰۳ منډې کړي.