د انګلینډ توپ وهونکې جو روټ په توپ وهنه کې نوی ریکارډ جوړ کړ

د انګلستان د کرکټ ملي لوبډلې توپ وهونکي جو روټ د نیوزیلینډ په خلاف په ټیسټ لوبه کې د تر تولو زیاتو منډو جوړونکي لوبغاړي ریکارډ خپل کړ.

د انګلستان او نیوزلیند ترمنخ د ترسره شوې درېیمې ټیست لوبې پر مهال د انګلستان توپ وهونکي جو روټ په ټیست لوبه کې د نیوزلینډ خلاف د ۱۹۲۵ منډو په پوره کولو سره د پاکستان پخواني لوبغاړي جاوید میانداد ۳۱ کلن ریکارډ مات کړ او لومړنی لوبغاړی شو چې په ټیسټ لوبه کې د نیوزلینډ خلاف نږدې ۲ زره منډې پوره کوي.

جو روټ یادې منډې په ۴۰ پاڼیو کې پوره کړې، خو د پاکستان جاوید میانداد په ۲۹ پاڼیو کې ۱۹۱۹ منډې کړې وې.

جو روټ د هند خلاف په ټیسټ لوبه کې د ۲۸۴۶ منډو په کولو په نړۍ کې د یاد هېواد خلاف د زیاتو منډو جوړونکي په توګه دویم لوبغاړی دی.