فرست کلاس کورنۍ سیالۍ: د پامیر او میوند ترڅنګ د ماهیپر او هندوکش سیالۍ روانې دي

د پامیر لیجنډز او میوند اتلانو ترمنځ د اتصالات احمدشاه ابدالي فرسټ کلاس اوومه لوبه چې د ننګرهار په غازی امان الله خان لوبغالي کې روانه ده، لوبې دویمه پاڼۍ ختمه شوه.

پامیر لیجنډز د میوند اتلانو د ۱۹۹ منډو ځواب کې ۱۲۳ منډو کې خپل ټول لوبغاړي له لاسه ورکړه او ۷۶ منډې پوروړې پاتې شوه.

میوند اتلان به په څو شیبو کې توپ وهنه پیل کړي.

بل پلو د ماهیپر ستورو او هندوکش سټرایکرز لوبډلو ترمنځ د روانې لوبې دویمه ورځ ده. هندوکش سټرایکرز لوبډلې د ماهیپر ستورو د ۳۵۵ منډو ځواب کې ۱۹۹ منډې جوړې کړي او ۳ لوبغاړي یې له لاسه ورکړي دي.

د هندوکش سټرایکرز لوبډلمشر عبدالمالک د ماهیپر ستورو لوبډلې پر وړاندې د خپل فرسټ کلاس سیالیو ۸مه سلیزه بشپړه کړه او لاهم ناسوځېدلی پاتې دی تر څنګ عبدالهادي خپله دریمه سلیزه وکړه.