کورنی کرکټ: میوند اتلانو پامیر لیجنډز او ماهیپر ستورو هندوکش سټرایکرز لوبډلې ماتې کړي
په فرسټ کلاس سیالیو کې میوند اتلانو لوبډلې پامیر لیجنډز لوبډلې ته د نهو ماتو په توپير ماتې ورکړې او همدا راز ماهیپر ستورو هندوکش سټرایکرز ته ماتې ورکړې ده.
کرکټ بورډ په خپله فیسبوک پاڼه ددغه سیالۍ په اړه لیکلي، د اتصالات احمدشاه ابدالي فرسټ کلاس څلور ورځنیو لوبو اووم پړاو چې د ننګرهار په کوربتوب روان دی، نن یې په اوومه لوبه کې د میوند اتلان لوبډلې د ۹ منډو په توپیر سره د پامیر لیجنډز لوبډلې ته ماتې ورکړه او په روانو لوبو کې یې په پرلپسې ډول څلورمه بریا خپله کړه.
میوند اتلانو خپلې تېرې لوبې کې د هندوکش سټرایکرز لوبډلې ته ماتې ورکړې وړه.
همدا ډول د ماهیپر ستورو د یوې په زړه پورې لوبې وروسته د هندوکش سټرایکرز لوبډلې ته د ۳۹ منډو په توپیر سره ماتې ورکړه او په روانو لوبو کې یې په دویمې بریا او ۴۱ امتیازونو سره د لوبو جدول کې دویم مقام خپل کړ.
د یاد جدول په لومړي سر کې د میوند اتلانو لوبډله ولاړه ده چې په ۴ بریاوو سره یې ۹۳ امتیازونه ترلاسه کړي دي.
