سینګم اګین د هندي سینما د زیاتو فلمي ستورو لوبولو تارخ جوړ کړو
د هندي سینما بالیووډ مینه وال په تمه دي چې د ‘سنګم اګین’ فلم کې نوي کوم فلمي لوبغاړي ځای شوي، البته په هندي سینما کې سینګم اګین هغه فلم دی چې زیاتو فلمي ستورو پکې برخه اخیستې ده او تاریخ یې جوړ کړی دی.
سینګم اګین فلم د روهیت شیټي لخوا لارښود شوی، او نږدې ۳۷۵۳۵۰ کروړه هندي روپۍ مصرف پرې راغلی چې د بالیووډ سترو ستورو پکې برخه اخیستې ده.
د دغه فلم ټریلر د دوشنبې په ورځ پر یوټیوب خپور شو، چې د بالیووډ د فلمونو د ټریلرونو له معمولې مودې څخه ډېر اوږد دی او تر اوسه تر درې کروړه زیاتو کسانو کتلی دی.
د «سنګهم اگین» کیسې اصلي کرکټرونه اجی دیوګن او کرینه کپور دي، خو د دوی تر څنګ به د صنعت یو شمېر نور لوی نومونه هم په فلم کې راڅرګند شي.
د اجی دیوګن او کرینه کپور سربیره په دې فلم کې د ډیپیکا پاډوکون، اکشې کمار، ټایګر شراف، رنویر سینګ، ویکي کوشال، ارجن کپور، جیکي شراف په څیر د صنعت لوی ستوري شامل دي.
د فلم د ټریلر له مخې، اجی دیوګن، اکشې کمار، رنویر سنګ، ډیپیکا پاډوکون به د پولیسو او نورو قانون پلي کونکو ځواکونو د غړو په توګه لیدل کیږي.
په دې فلم کې به ارجن کپور او ټایګر شروف د ولن رول لوبوي.
د هندي رسنیو د راپورونو له مخې، سلمان خان به په دغه فلم کې د خپل مشهور کرکټر چلبل پانډې په توګه هم راڅرګند شي، خو نوموړی د فلم په ټریلر کې نه دی لیدل شوی.
د هندي سینما نقادانو سینګم اګین د بالیووډ هغه فلم ګڼلی چې تر ټولو زیات فلمي ستورو پکې برخه اخیستې او د نومبر په لومړۍ نیټه به نندارې ته وړاندې شي.
