عثمان توشف د فوټبال د افغانستان د فوټبال ملي لوبډلې روزونکی وټاکل شو

د افغانستان د فوټبال ملي فدراسیون وايي، چې د عمثان توشف په نوم د فوټبال با تجربه لوبغاړی او روزونکی د فوټبال ملي لوبډلې د نوي روزونکي په توګه وټاکل شو.

د افغانستان د فوټبال فدراسیون په يوه خبرپاڼه کې ويلي چې عثمان توشف نن په ملي لوبډله کې د روزونکي په توګه خپله دنده پيل کړه.

د فوټبال فدارسيون رييس محمد يوسف کارګر وايي چې له عثمان توشف سره د يوه کال لپاره د دغې دندې قرارداد شوی دی.

عثمان توشف ازبکستانی دی، د اسیا په کچه د فوټبال د روزنونکي لوړ اسناد لري او د اسیا د فوټبال د ښوونکو د کنفدراسیون غړيتوب هم لري.